तारे भिरमा गाई चराउदै के भनुँ र खै ?
पहिरो आयो भिरै झर्यो के भनुँ र खै ?
सानैदेखि गोठालो भै हुर्किएको म
माउ गाईनै आज मर्यो के भनुँ र खै ?
रमितेछन खर्क भरी हासेका छन् है !
मुखियाले गर्नु गर्यो के भनुँ र खै ?
मरिजाने जिन्दगीमा कति रुने खै ?
भाग्यले नि कर्म हर्यो के भनुँ र खै ?
सबै खुशी सबै दंग भित्री मनमा है !
आफ्नै मुटु कता सर्यो के भनुँ र खै ?
• अधिकारी गीतल प्रतिष्ठान नेपाल एवं नाटक मञ्य तनहुँका अध्यक्ष हुन् ।
