उसले छोडेपछि आउँछौ, या उसलाई छोडेर आउँछौ
एउटा निर्णय गर, आखिर कुन बाटो रोजेर आउँछौ
म अलमल्ल परेको छु, तिम्रो यो दोधारे रूपले
आफ्नो जिन्दगीको बाटो, भन कता मोडेर आउँछौ
अँगालोमा बसी, मेरो माया खोज्ने तिमी
भन, एउटै मुटुलाई आखिर कता जोडेर आउँछौ
कति बस्छौ लुकाई तिमी, मुटुभित्र उसको तस्बिर भन,
उही पुरानो सम्बन्ध कसरी तोडेर आउँछौ
गाह्रो पर्ला नि माया, दुई नाउमा सवारी गर्न
दुनिया सामु झूटको पर्दा कसरी ओढेर आउँछौ
