यात्रा झिसमिसे उज्यालोमा सुरु भाे
घाम राम्ररी नउँदाउन्जेलसम्म
परसम्म देख्न सकिने नहुन्जेलसम्म
मलाई टाढा पुग्नुपर्ने थियोे
घाम चर्किँदै थ्याे , र म हिँड्दै थिएँ
चुपचाप , लगातार , निरन्तर
बाटो छेउमा पिपल चाैतारी देखियो
सुस्ताउने मन थ्याे , तर राेकिइनँ
चर्काे घाममा तिर्खा पनि लागेको थियोे
अलि पर कुवा देखिएको पनि थियोे
पानी पिउने फुर्सद थिएन , राेकिइनँ
फूलबारीमा एकछिन रम्न मन थियो
तर मलाई टाढा पुग्नु थियो
थाहा नपाएको एउटा लक्ष्य भेट्नु थियोे
झरी पर्दै थ्याे र म हिँड्दै थिएँ
हुरी चल्दै थ्याे ,र म हिँड्दै थिएँ
चुपचाप , लगातार , निरन्तर ।।
यात्रामा केही दाेबाटाहरु भेटिए
दायाँ वा बायाँ जान सकिन्थ्यो , गइएन
केही साथीहरू पनि भेटिए
थाेरै समय सँगै पनि हिँडे
केहीलाई हतार थियोे , मलाई छाेडे
केही भन्दा मलाई हतार थियो , मैले छाेडेँ ।।
अहिले झमक्क साँझ परेको छ
देख्छु सबै आइपुगेका छन्
मैले छाेडेका पनि , मलाई छाेडेका पनि
केही छुट्ला कि भनेर हतारिएका
दायाँ वा बायाँ बाटो समातेका
सबै आइपुगेकाछन्
साेच्छु , आखिर आइपुगिने नै रहेछ
के बिग्रन्थ्याे ,
पिपल चाैतारीकाे शितलमा एकछिन सुस्ताएकाे भए
कुवाकाे चिसो पानी आरामले पिएको भए
साँच्चै के बिग्रन्थ्याे ,
झरीमा म ओत लागेको भए
हुरीमा म थामिएको भए
हाे, यात्राकाे याे चरणमा आइपुग्दा
अब मसगँ केही छैन ,
अलि अलि विस्मत् मात्रै छ
अलि अलि पछुतो मात्रै छ । । समाप्त
