१,
चोरि डकैति गर्नेले, भागबन्डा पाउँछ
झोले, मुन्द्रे फट्टिकेले, झण्डा पाउँछ,
निति निर्माण तहमा, त्यस्तै भएपछि
कुलमानजस्ता कर्मवीरले, डण्डा पाउँछ ।
२,
खोजौँ अब टुकी, ढिब्री र लाल्टिन कहाँ छन्
सलाई मम्बत्ती, मट्टितेलका जर्किन कहाँ छन्,
निभाएरै छाडे बत्ती, झल्मलाउन दिएनन्
नेपालीका भाग्यमा, उज्याला दिन कहाँ छन् ?
३,
फैलिंदैछन् यहाँ, कोही हराइरहेछन्
मौन बसेकाछन्, कोही कराइरहेछन्,
चलेको छ यहि रफ्तार, यस दुनियाँमा
रुँदैछन् कोहि, कोहि मुस्कुराइरहेछन् ।
४,
छलाङ् मार्ने आँट हुन्छ, छहरामा पनि
सहन गर्ने शक्ति हुन्छ, पहरामा पनि,
दृढता हो धैर्यता हो, मान्छेमा हनुपर्ने
जीवन जिउने जोस हुन्छ, लहरामा पनि ।
• तनहुँ ।
