भुल्नु हुन्न संविधान सच्याउन जान्नुपर्छ हेर
बेरोजगारले नेटो काटिसक्यो मान्नुपर्छ हेर ।
सबैको घरमा सुख र शान्तिको आभास आएमा
उज्यालो दीप जल्नलाई खुशी तान्नुपर्छ हेर ।
हत्याहिंसा रोकिदैन कहिल्यै मान्छे त नसच्चिए
झुट्टा प्रमाण भेटिन्छन् समय नै छान्नुपर्छ हेर ।
परदेशमा पैसा कमाउन जान्छन् दुःख गरेर
घरको हालतलाई केही गर्छु ठान्नुपर्छ हेर ।
रित्तो भयो शहर गाउँ भनी दुःख मान्नु हुँदैन
बेरोजगार भइरह्यो भने सम्हाल्नुपर्छ हेर ।
• झापा , बिर्तामोड ।
