प्रहार समाचार । काठमाडौं ९ भदौ २०८१ आइतवार । भुटानलाई पराजित गर्दै नेपाल साफ यू–२० च्याम्पियनसिपको फाइनलमा प्रवेश गरेको छ।
आज भएको पहिलो सेमिफाइनलमा नेपालले टाइब्रेकरमा भुटानलाई ४–१ ले पराजित गर्दै फाइनलमा स्थान बनाएको हो । सातदोबाटोस्थित एन्फा कम्प्लेक्समा भएको प्रतियोगितामा नेपालका गोलकिपर जियारथ शेखले टाइब्रेकरमा भुटानका तीन खेलाडीको प्रहार बचाएपछि नेपालको जित सुनिश्चित भएको हो ।
त्यसअघि खेलको निर्धारित ९० मिनेटमा दुवै टोलीले १–१ गोल गरेका थिए । च्याम्पियनसिपको दोस्रो सेमिफाइनलमा भोली भारत र बङ्गलादेशबीच प्रतिस्पर्धा हुनेछ ।
