प्रहार समाचार । तनहुँ, १७ चैत २०८२ मंगलबार । व्यास नगरपालिका–४ मा निबर्तमान वडा सचिव विश्वनाथ पौडेलको आज सरुवा बिदाइ गरिएको छ । उनी ७ महिनाको कार्यकाल पूरा गरी व्यास नगरपालिका कार्यालयमा सरुवा भएका हुन् । सोही कार्यक्रममा करिब ३४/३५ वर्षसम्म महिला स्वयंसेविकाका रूपमा सेवा गरेकी नानुमाया बस्नेतलाई उमेर हदका कारण बिदाइ गरिएको छ ।
त्यसैगरी, वडामा नयाँ सचिव मीना लामिछानेलाई स्वागत गरिएको छ । वडा अध्यक्ष ले. मनबहादुर गुरुङ, वडा सदस्यहरु सरोज भण्डारी, गौकुमारी न्यौपाने र राधा विकलगायत जनप्रतिनिधिहरुले संयुक्त रूपमा स्वागत तथा बिदाइ गरेकाे वडा कार्यालयले जनाएको छ।
