प्रहार समाचार । काठमाडौँ, १ असोज २०८२ शनिवार । नेपाल क्रिकेट संघ (CAN) ले आगामी आईसीसी क्रिकेट विश्वकप लिग–२ का लागि १५ सदस्यीय नेपाली राष्ट्रिय टोली घोषणा गरेको छ। कप्तानको भूमिकामा पुनः रोहित पौडेललाई निरन्तरता दिइएको छ भने दिपेन्द्रसिंह ऐरी उप–कप्तानको रुपमा रहनेछन्। टोलीमा पछिल्लो समय उत्कृष्ट प्रदर्शन गरेका खेलाडीहरूलाई प्राथमिकता दिइएको छ। स्टार लेग स्पिनर सन्दीप लामिछाने टोलीमा फर्किएका छन्, जसले बलिङ विभागलाई मजबुत बनाउने विश्वास गरिएको छ । तस्बिर : CAN
घोषित टोलीमा ब्याटिङ लाइनअपलाई मजबुत बनाउँदै आसिफ शेख, अनिल साह, कुशल भुर्तेल, भिम सार्की, कुशल मल्ल र आरिफ शेख जस्ता भरोसायोग्य नामहरू समावेश छन्। बलिङतर्फ सोमपाल कामी, करण केसी, नन्दन यादव, ललित राजबंशी, गुलशन झा र सहाब आलम ले आक्रमणको जिम्मेवारी सम्हाल्नेछन्। अनुभवी तथा युवा खेलाडीहरूको सन्तुलन कायम गरिएको यो टोलीले लिग–२ मा प्रभावशाली प्रदर्शन गर्ने अपेक्षा गरिएको छ ।
नेपालका लागि यो चरण अत्यन्तै महत्वपूर्ण रहँदै आएको सन्दर्भमा CAN ले अनुभव, हालको लय तथा समग्र टिम संयोजनको आधारमा टोली चयन गरेको जनाएको छ। लिग–२ को उत्कृष्ट नतिजा सिधै आगामी विश्वकप छनोटमा प्रभाव पार्ने भएकाले नेपाली टोलीमा विशेष रणनीतिक तयारी गरिएको देखिन्छ। खेलप्रेमीहरू नेपाली टोलीको घोषणा प्रति उत्साहित छन् र यस टोलीले नेपाललाई अर्को चरणमा पुर्याउनेमा आशावादी छन्।
