प्रहार समाचार । गैंडाकोट, पुस ९ सोमबार ।
राष्ट्रिय गौरवको आयोजनाको रुपमा रहेको नारायणगढ–बुटवल खण्ड विस्तारमा ढिलाइ भएको भन्दै ध्यानाकर्षण गराउन राष्ट्रिय स्वतन्त्र पार्टी (रास्वपा)ले दबाब यात्रा शुरूराष्ट्रिय स्वतन्त्र पार्टी (रास्वपा)ले दबाब यात्रा शुरू गरेको छ ।
पार्टी सभापति रवि लामिछानेको नेतृत्वमा आज नवलपरासी (बर्दघाट–सुस्तापूर्व)को गैंडाकोटस्थित भृकुटीचोकबाट दबाबमूलक पदयात्राको शुरूवात गरिएको हो ।
दबाब यात्रा शुरू हुनु अगाडि आयोजित पत्रकार सम्मेलनमा सभापति लामिछानेले निर्धारित समयमा सडक विस्तार नहुँदा स्थानीयलाई समस्या परेको भन्दै सडक चाँडो निर्माण गराउन दबाब दिन यात्रा थालिएको बताए ।
यो बाटो बनेको छैन, विकास आयोजना नबन्दा स्थानीयवासी, यात्रु, व्यवसायीदेखि सबैले कष्टकर जीवन भोग्नुपरेको छ’, सभापति लामिछानेले भने, ‘यसलाई लिएर नीति निर्माण तहमा पनि कुरा हुन्छ ।’
