प्रहार समाचार । काठमाडौँ , २६ कात्तिक २०८२ बुधवार । देशभर हाल कुनै उल्लेखनीय मौसम प्रणालीको प्रभाव नरहेको जल तथा मौसम पूर्वानुमान महाशाखाले जनाएको छ । आज दिउँसो कोशी र वाग्मती प्रदेशका पहाडी भूभागमा आंशिक बदली रहने अनुमान गरिएको छ भने बाँकी अधिकांश क्षेत्रको मौसम सफा रहनेछ। हाल देशका हावापानी स्थिर रहेकाले मौसममा कुनै ठूलो परिवर्तनको सम्भावना छैन ।
महाशाखाले दिएको जानकारीअनुसार देशका मध्यम र तल्लो भूभागमा खुला आकाश रहने भएकाले दैनिक जनजीवन र यातायातमा कुनै अवरोध आउने छैन् । यद्यपि, पहाडी क्षेत्रमा हल्का बादल लाग्ने भएकाले साँझपख सामान्य चिसो महसुस हुन सक्ने अनुमान गरिएको छ ।
आज राति देशभरको मौसम मुख्यतया सफा रहने जनाइएको छ। मौसम विज्ञहरूले नजिकको केही दिन यस्तै स्थिर अवस्था रहने अनुमान गर्दै किसान र यात्रुहरूलाई निश्चिन्त रहन सुझाव दिएका छन्। हाल कुनै वर्षा वा हावाहुरी प्रणाली विकसित नभएकाले आगामी केही दिन स्थिर मौसमको आनंद लिन सकिने जल तथा मौसम विज्ञान विभाग, मौसम पूर्वानुमान महाशाखाको भनाइ छ।
