प्रहार समाचार । काठमाडौँ, २ असोज २०८२ बिहीवार । नेप्से परिसूचक ५ प्रतिशतले घटेपछि दोस्रो नकारात्मक सर्किट ब्रेक लागेर शेयर कारोबार ४० मिनेटका लागि स्थगित भएको छ।
सत्ता परिवर्तनपछिको पहिलो कारोबार दिन, नियमित बजार खुलेको २ मिनेटमै नेप्से ४ प्रतिशतले ओरालो लाग्दा पहिलो नकारात्मक सर्किट ब्रेक लागेर कारोबार २० मिनेटका लागि रोकिएको थियो।
११ बजेर २२ मिनेटमा पुनः खुलेको बजारमा पनि गिरावट निरन्तर रहँदा ११ बजेर २३ मिनेटमै परिसूचक ५ प्रतिशतले घट्दा दोस्रो नकारात्मक सर्किट ब्रेक लागेको हो। अब कारोबार ४० मिनेटपछि मात्र सुचारु हुनेछ।
