प्रहार समाचार । तनहुँ,, १७ साउन २०८२ शनिवार । तनहुँको घिरिङ गाउँपालिका–१ पुट्टारस्थित कालीगण्डकी बहुप्राविधिक शिक्षालयमा आज आगलागी हुँदा महत्वपूर्ण कागजपत्र, कम्प्युटर, प्रिन्टर र पङ्खासहितको भौतिक सामग्री नष्ट भएको छ। विद्युत् चुहावटका कारण भण्डार कोठामा आगो लागेर क्षति पुगेको जानकारी शिक्षालयका प्रमुख कृष्णबहादुर श्रेष्ठले दिएका छन्। आगोले शिक्षालयको प्रशासनिक व्यवस्थामा अवरोध सिर्जना गरेको छ।
विद्युत् चुहावटका कारण भण्डार कोठामा आगो लागेर क्षति पुगेको जानकारी शिक्षालयका प्रमुख कृष्णबहादुर श्रेष्ठले दिएका छन्। आगोले शिक्षालयको प्रशासनिक व्यवस्थामा अवरोध सिर्जना गरेको छ।
घटना क्यान्टिनमा खाजा खाने समयको हो। उक्त समयमा भण्डार कोठाको झ्यालबाट अचानक धुवाँ देखिएपछि तत्कालै शिक्षक, कर्मचारी, विद्यार्थी र सुरक्षाकर्मीहरूले सामूहिक प्रयासमा आगो नियन्त्रणमा लिएका थिए। शिक्षालयमा जडान गरिएको अग्निनियन्त्रक उपकरणको प्रयोग गरी आगो निभाइएको हो।
स्थानीय प्रशासन र विद्युत् प्राविधिक टोलीले घटनास्थलको अवलोकन गरिरहेको छ। आगलागीबाट थप क्षति हुन नदिन विद्यालय प्रशासनले सतर्कता अपनाउने र विद्युत् प्रणालीको परीक्षण गर्ने तयारी गरेको जनाएको छ। हालसम्म मानवीय क्षति भने नभएको पुष्टि गरिएको छ।
