गरिरहन्छन् नक्कल हाँगाहरूको यसै बस्न सक्दैनन्
रङ्ग बदल्ने आदत छेपाराहरूको यसै बस्न सक्दैनन्।
खुसी छन् दास, आजबाट उनीहरूको पदोन्नति भयो
खोजी हुनेछन्, नयाँ खुट्टाहरूको यसै बस्न सक्दैनन् ।
गजबले सुरु भएको रहेछ यो तेल घस्ने परम्परा पनि
वा! क्या! हल्ला छ प्रशंसाहरूको यसै बस्न सक्दैनन् ।
लुकाउँ भने पनि यो प्रेम पोखिएर छताछुल्ल भैदिन्छ
हेर्नोस्! चञ्चलता छ आँखाहरूको यसै बस्न सक्दैनन्।
केही तिमीले दियौ, केही त मैले पनि पक्कै दिएको छु
एक शृङ्खला हुन्छन् धोकाहरूको यसै बस्न सक्दैनन्।
