प्रहार समाचार । तनहुँ, २८ चैत २०८१ विहिवार । नेपाली सेनाको ऐतिहासिक गोरखा- जितगढी पदयात्रा आज गोर्खा दरबारबाट सुरु भएको छ ।
३ सय ५ दशमलब ५ किलोमिटर पदयात्रा तनहुँ, पाल्पा हुँदै बुटवल उप-महानगरपालिका जितगढी पुगेर समाप्त हुने छ।
आज दिउसो ४ बजे गोरखाको उक्त टिम तनहुँ भानु आइपुग्ने छ । भानुको टिमले गोरखाको टिमलाइ स्वागत गर्नेछ । उक्त टिम आजको रात श्री रुरु भैरव दल गण भन्सारमा बास बस्ने रुरु भैरवदल गण भानु-१ भन्सारका प्रमुख प्रमुख सेनानी राजेन्द्र श्रेष्ठले बताए ।
उक्त टोली भोलि तनहुँसुर दरबारमा गएर बास बस्ने कार्यक्रम तय गरिएको छ। पर्सि बिहान तनहुँसुरमा ब्यास नगरपालिका र भानु नगरपालिकाका नगर प्रमुखहरुको उपस्थितिमा रुरु भैरवदल गण भानु-१ भन्सारमा बस्ने र कालीभञ्जन गण (ई) ब्यास -५ चापाघाटका प्रमुखलाई झण्डा बुझाएर भानुको टिम फर्कने कार्यक्रम रहेको छ ।
