प्रहार समाचार । चितवन २७ माघ २०८१ आइतवार । चितवनमा आज बिहान साढे ४ बजे बस दुर्घटना भएको छ। उक्त दुर्घटनामा हुँदा २३ जना घाइते हुन पुगेका छन् ।
नेपालगञ्जबाट काठमाडौँ जाँदै गरेको लु प्र ०३–००१ ख ००७७ नम्बरको बस नारायणगढ–मुग्लिन सडकखण्डको सेतीदोभान पुलबाट खसेर दुर्घटना हुँदा बसमा सवार २८ जनामध्ये २३ जना घाइते भएको इलाका प्रहरी कार्यालय मुग्लिनकी प्रमुख प्रहरी निरीक्षक निरला भण्डारीले जानकारी दिइन् ।
उनका अनुसार घाइतेको चितवन मेडिकल कलेजमा उपचार भइरहेको छ । टायर पञ्चर हुँदा बस अनियन्त्रित भएर दुर्घटनामा परेको हुनसक्ने प्रहरी निरीक्षक भण्डारीले जानकारी दिदै घटनाको थप अनुसन्धान भइरहेको जनाइन् ।
