प्रहार समाचार । १२ असोज २०८१ शनिबार । बिगत तीनदिनदेखि परेको अविरल वर्षाका कारण आएको बाढी र पहिरोले राजधानी काठमाडौंमा मात्रै ३२ जनाको ज्यान लिएको छ।
बाढी र पहिरोमा परेर काठमाडौंमा ११ जना, ललितपुरमा १६ जना र भक्तपुरमा ५ जना गरी जम्मा ३२ जनाको मृत्यु भएको काठमाडौं उपत्यका प्रहरी कार्यालय रानीपोखरीका एसएसपी विनोद घिमिरेले जानकारी दिएका छन् ।
यस्तै, काठमाडौंमा १० जना, ललितपुरमा ५ जना र भक्तपुरमा २ जना गरी १७ जना घाइते छन् ।
बाढी-पहिरोमा फसेका काठमाडौंका ५ सय ८९ जना, ललितपुरका ४ सय १६ जना र भक्तपुरमा ४८ जना गरी १ हजार ५३ जनाको सकुसल उद्धार गरिएको छ भने काठमाडौंमा एक जना र ललितपुरमा ११ जना बेपत्ता भएको एसएसपी घिमिरेले जनाए ।
