प्रहार समाचार । काठमाडौं १४ भदौ २०८१ शुक्रवार । राष्ट्रपति रामचन्द्र पौडेल हरेक महिनामा एक दिन सार्वजनिक स्थलमा पुग्ने भएका छन्। ‘सार्वजनिक स्थलमा राष्ट्रपति’ भन्ने कार्यक्रम अनुसार राष्ट्रपति पौडेल हरेक महिनामा एकदिन सार्वजनिक स्थलमा जाने भएका हुन् ।
सार्वजनिक स्थलमा उनले आम नागरिकसँग संवाद गर्ने तथा स्थानीयहरूको गुनासो सुन्नेछन् । जस अन्तरगत आज पहिलो पटक भक्तपुर दरबार स्क्वायर जाने र नागरिकहरुको गुनासो सुन्ने कार्यक्रम तय भएको राष्ट्रपतिको सचिवालयले जनाएको छ ।
राष्ट्रपति पौडेल आज बिहान साढे ११ बजे भक्तपुर दरबार क्षेत्रमा जाने कार्यक्रम तय भएको राष्ट्रपतिको सचिवालयले जनाएको छ ।
