प्रहार समाचार । तनहुँ ४ भदौ २०८१ मङ्गलवार । सोमबार सवारी दुर्घटनामा परेका हुम्लाको सर्केगाड गाउँपालिका उपाध्यक्ष चन्द्र सिंह कार्कीको मृत्यु भएको छ।
उपाध्यक्ष कार्कीको उपचारको क्रममा मंगलबार बिहान २ बजे नेपालगञ्जमा मृत्यु भएको सुर्खेतका प्रहरी प्रमुख एसपी रुपेश खड्काले बताए।
उपाध्यक्ष सवार कर्णाली प्रदेश-२-००१ ख १०११ नम्बरको हायस माइक्रो सुर्खेतबाट नेपालगञ्ज जाँदै गर्दा भेरीगंगा नगरपालिका वडा नम्बर ५ मा दुर्घटनामा परेको थियो।
दुर्घटनामा उनीसहित १४ जना घाइते भएका थिए। उनीहरूको अवस्था सामान्य रहेको एसपी खड्काले बताए। मृतक कार्की नेकपा (माओवादी केन्द्र) बाट उम्मेदवार भई उपाध्यक्षमा निर्वाचित भएका थिए।
