प्रहार समाचार । बर्दिबास २४ साउन २०८१ बिहिवार । प्रहरीले ठूलो परिणाममा दुई गाँजा तस्कर भारतीय नागरिकलाई पक्राउ गरेको छ। पूर्वपश्चिम राजमार्गअन्तर्गत बर्दिबास नगरपालिका–१४ बाट ६ सय ११ किलोग्राम प्रतिबन्धित गाँजासहित उनीहरूलाई बुधबार राति पक्राउ गरिएको प्रहरीले जनाएको छ । तस्विर : फाइल फोटो
पक्राउ पर्नेहरुमा भारतको मोतिहारीका २५ वर्षीय गुड्डुकुमार यादव र सोही ठाउँका २९ वर्षीय मनिषकुमार गिरी रहेका जिल्ला प्रहरी कार्यालयका प्रवक्ता सन्तुलालप्रसाद जैसवालले बताए।
उनिहरुले मिनी ट्रक प्रयोग गरेर गाँजा तस्करीको प्रयास गरेका थिए । तस्करीमा प्रयोग भएको सवारी साधनलाई पनि प्रहरीले नियन्त्रणमा लिइएको प्रवक्ता जैसवालले बताए ।
