प्रहार समाचार । काठमाडौँ, मंसिर, १८ सोमबार । जिल्ला अदालत काठमाडौंले नेपाल कम्युनिस्ट पार्टी (विप्लव समूह)का महासचिव नेत्रविक्रम चन्द विप्लव सहित अन्य तीन जना नेता लाई पक्राउ पुर्जी जारी गरिएको छ ।
अदालतले विप्लव सहित खड्गबहादुर विश्वकर्मा प्रकाण्ड र माइला लामालगायतविरुद्ध पक्राउ पुर्जी जारी गरेको छ । सरकारले दर्ता गरेको राज्यविरुद्धको कसुरका दुई मुद्दामा उनीहरूलाई ३५ दिनभित्र अदालतमा उपस्थित हुन भनिएको छ ।
जिल्ला अदालत, काठमाडौंले सोमवार गोरखापत्रमा सूचना प्रकाशित गर्दै यसको जानकारी दिएको हो ।
