प्रहार समाचार । काठमाडौं, २१ असोज २०८३ बुधबार । नेपाली कांग्रेसको १५औँ महाधिवेशन नेतृत्व चयनको निर्णायक चरणमा प्रवेश गरेको छ। नयाँ नेतृत्व चयनका लागि काठमाडौंका तीन प्रमुख स्थान—भृकुटीमण्डप, राष्ट्रिय सभागृह र खुलामञ्चमा गरी सातवटा मतदान केन्द्र सञ्चालन गर्ने व्यवस्था गरिएको छ। तस्बिर : साङ्केतिक एआई
करिब ७ हजार ७ सय महाधिवेशन प्रतिनिधि सहभागी हुने महाधिवेशनमा अब नेतृत्वको अन्तिम फैसला प्रतिनिधिको मतबाट हुने भएको हो।कांग्रेसले ठूलो संख्यामा रहेका प्रतिनिधिलाई मतदानमा सहजता होस् भन्ने उद्देश्यले सातवटा बुथको व्यवस्था गरेको जनाएको छ। यसअघि महाधिवेशनका उद्घाटन तथा बन्दसत्र खुलामञ्चमा सम्पन्न गरिएको थियो भने नेतृत्व चयनका लागि सभापति, उपसभापति, महामन्त्री, सहमहामन्त्री तथा केन्द्रीय सदस्य पदमा निर्वाचन हुनेछ। महाधिवेशनको यो चरण केवल पदाधिकारी चयनको औपचारिक प्रक्रिया मात्र होइन, कांग्रेसभित्रको राजनीतिक शक्ति, संगठनात्मक प्रभाव र आगामी दिशाको परीक्षणसमेत हो।
उम्मेदवारहरूबीचको प्रतिस्पर्धा र प्रतिनिधिको मतले पार्टीको नेतृत्व संरचना कता मोडिन्छ भन्ने निर्धारण गर्नेछ। तर त्यसको अन्तिम फैसला भने प्रचार, गुटगत दाबी वा सार्वजनिक भाषणले होइन, मतदान केन्द्रमा खस्ने प्रतिनिधिको मतले गर्नेछ। सातवटा मतदान बुथमा हुने मतदानसँगै कांग्रेसको १५औँ महाधिवेशनले नयाँ नेतृत्व चयनको संवैधानिक प्रक्रिया पूरा गर्नेछ। अब महाधिवेशनको केन्द्रमा भाषणभन्दा मतपत्र, दाबीभन्दा प्रतिनिधिको निर्णय र समूहगत शक्तिभन्दा निर्वाचनको परिणाम रहनेछ। न
