प्रहार समाचार । रुकुम , ७ कात्तिक २०८२ शुक्रवार । रुकुम पश्चिमको झारमारेमा बोलेरो जीप दुर्घटना हुँदा सात जनाको मृत्यु भएको छ। खलङ्गाबाट स्यालाखदीतर्फ जाँदै गरेको रा १ ज ४२२ नम्बरको जीप आज साँझ साढे ५ बजे बाँफिकोट गाउँपालिका र आठबीसकोट नगरपालिकाको सीमास्थलमा दुर्घटनाग्रस्त भएको प्रहरीले जनाएको छ ।
जिल्ला प्रहरी कार्यालयका प्रहरी निरीक्षक हरि पुनका अनुसार दुर्घटनामा १० जना घाइते भएका छन्। उनीहरूलाई उपचारका लागि अस्पताल पठाइएको छ ।
दुर्घटनाको कारण खुलेको छैन। प्रहरीले थप अनुसन्धान अघि बढाएको छ।
