प्रहार समाचार । काठमाडौँ, ९ जेठ २०८२ शुक्रवार । राष्ट्रिय स्वतन्त्र पार्टी (रास्वपा) का सभापति रवि लामिछाने थुनामुक्त नहुने भएका छन्। सर्वोच्च अदालतले उनलाई पुर्पक्षका लागि थुनामा राख्न उच्च अदालत बुटवलले दिएको आदेशलाई सदर गरेको छ। सोमबार बसेको न्यायाधीशहरुको इजलासले लामिछानेको थुनामुक्ति सम्बन्धी माग अस्वीकार गर्दै उच्च अदालतको आदेशलाई यथावत् राखेको हो।
अदालतले अनुसन्धानको अवस्था र उपलब्ध प्रमाणलाई आधार बनाउँदै लामिछानेलाई पुर्पक्षका लागि थुनामै राख्नु उपयुक्त ठहर गरेको उल्लेख गरेको छ। यसअघि उच्च अदालत बुटवलले पनि उनीमाथि अनुसन्धान आवश्यक रहेको भन्दै थुनामा राख्न आदेश दिएको थियो।
रास्वपाका सभापति लामिछानेमाथि संगठित आपराधिक क्रियाकलापमा संलग्न रहेको आरोपमा अनुसन्धान जारी छ। लामिछानेले भने आफूमाथि लगाइएका आरोपहरूलाई निराधार बताएका छन्। रास्वपाले यो घटनालाई राजनीतिक प्रेरणाले प्रेरित भएको आरोप लगाउँदै आएको छ।
