प्रहार समाचार । तनहुँ, ४ फागुन २०८१ आइतवार । ‘तनहुँ जिल्ला स्तरीय १६औँ राष्ट्रपति रनिङ शिल्ड खेलकुद प्रतियोगिता २०८१’ को उपाधि शुक्ला गण्डकी नगरपालिकाको हातमा परेको छ। जित सङ्गै शुक्ला गण्डकीले ८ स्वर्ण ६ कास्य र ४ रजत पदक सहित शिल्ड हात गर्न सफल भएको हो।
प्रतियोगितामा व्यास नगरपालिका द्वितीय भए सङ्गै ८ स्वर्ण ५ रजत र ७ कास्य पदक जित्न सफल भयो । त्यस्तै प्रतियोगितामा बन्दीपुर गाउँपालिकाले ३ स्वर्ण र २ रजत पदक प्राप्त गरि तृतीय हुन सफल भयो ।
‘राष्ट्रिय गरिमा र सामाजिक रुपान्तरणका लागि खेलकुद’ भन्ने मूल नाराका साथ तनहुँको सदरमुकाम दमौलीमा हिंजोबाट सुरु भएको प्रतियोगिता आज समापन भएको हो ।
आज भएको पुरुष भलिबल प्रतियोगिताको फाइनल खेलमा शुक्ला गण्डकी नगर पालिकाले व्यास नपालाई १५ – १२ को सेटमा जित हाँसिल गर्न सफल भयो । दोस्रो व्यास र तेस्रो ऋषिङ गाउँ पालिका हुन पुगेका थिए ।
भलिवलमा ९ पालिकाहरुको सहभागीता रहेको थियो ।
आजै भएको छात्रा तर्फको भलिवल प्रतियोगितामा देवघाट देवघाट गाउँपालिका प्रथम, घिरिङ गाउँ पालिका दोस्रो र भानु नपा तेस्रो भए ।
महिला हाइजम्प प्रतियोगिता ऋषिङ गाउँ पालिकाकी अनिता राना भाट प्रथम भइन । शुक्ला न पा की शुस्मिता परियार द्धितिय र घिरिङ गा पा की मिनु परियार र म्याम्दे गा पा की तिलिसरा थापा तृतिय हुन सफल भइन्।
छात्रा कबड्डी तर्फ व्यास नगरपालिका प्रथम ,
म्याम्दे गाउँ पालिका द्वितीय र भानु नगरपालिका तृतिय भए । यथलेटिक्स तर्फ शुक्ला गण्डकी नगर पालिका प्रथम , व्यास नपा द्धितीय र बन्दीपुर गा पा तृतिय भए । हाइजम्प छात्र तर्फ शुक्ला गण्डकी न पा प्रथम र द्वितीय र देवघाट गाउँ पालिका तृतीय भएका थिए । विजयी खेलाडीहरुलाई व्यास नगर पालिकाका प्रमुख बैकुण्ठ न्यौपानेले शिल्ड, मेडल र प्रमाण पत्र प्रदान गरे ।
कार्यक्रम जिल्ला खेलकुद विकास समितिका अध्यक्ष सुनिल पाण्डेको सभापतित्वमा सम्पन्न भएको थियो ।
