आजको मौसम : तराइमा हुस्सु र कुहिरो, कर्णाली प्रदेशमा हिमपात

प्रहार समाचार । काठमाडौँ, ११ माघ २०८१ शुक्रवार । हाल देशको पश्चिमी भू–भागमा पश्चिमी न्यून चापीय प्रणालीको प्रभाव रहेको छ । गण्डकी, कर्णाली र सुदूरपश्चिम प्रदेशका पहाडी भू–भागमा आंशिक बदली रही बाँकी भू–भागमा मौसम  सफा रहेको छ । तस्विर : फाइल फोटो

आज  तराइका धेरै भागमा हुस्सु लागेको  जल तथा मौसम विज्ञान विभागले जनाएको छ । आज दिउँसो कोशी, गण्डकी  र कर्णाली प्रदेशका पहाडी भू–भागमा आंशिक बदली रही बाँकी भू–भागमा मौसम मुख्यतया सफा रहने छ । कर्णाली प्रदेशका उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावन छ ।

त्यसैगरी, आज राति कोशी र कर्णाली प्रदेशका पहाडी भू–भागमा आंशिक बदली रही बाँकी भू–भागमा मौसम मुख्यतया सफा रहने छ ।आगामी २४ घण्टामा  कर्णाली प्रदेशका उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना रहेको जलदाता मौसम विज्ञान विभाग मौसम पूर्वानुमान महाशाखाले जनाएको छ।