प्रहार समाचार । तनहुँ , १५ असोज २०८१ मङ्गलबार । आयल निगमनले पेट्रोल, डिजेल, हवाई इन्धन र मट्टीतेलको मूल्य घटाइएको छ। निगमले गएराति ११ बजेबाट लागु हुनेगरी मूल्य घटाएको हो
मूल्य घटेसंङ्गै अब पेट्रोलमा एक, डिजेलमा दुई, हवाई इन्धनमा आन्तरिकमा छ तथा बाह्यमा प्रतिहजार लिटरमा ४५, मट्टीतेलमा दुई रुपैयाँ घटेको छ।
जस अन्तर्रगत अब पहिलो वर्गअन्तर्गत चारआली, विराटनगर, जनकपुर, अमलेखगञ्ज, भलवारी, नेपालगञ्ज, धनगढी र वीरगन्जमा पेट्रोलको मूल्य प्रतिलिटर १५५.५० रुपैयाँ पर्ने छ र डिजेलको मूल्य १४४.५० रुपैयाँ पर्ने भएको छ ।
त्यसैगरि दोस्रो वर्गअन्तर्गत सुर्खेत र दाङमा पेट्रोलको मूल्य प्रतिलिटर १५७ र डिजेलको मूल्य १४६ रुपैयाँ कायम भएको निगमले जनाएको छ ।
यसका साथै तेस्रो वर्गअन्तर्गत काठमाडौं, पोखरा र दिपायलमा पेट्रोलको मूल्य प्रतिलिटर १५८ र डिजेलको मूल्य १४७ रुपैयाँ पर्ने भएको छ।
उता एलपी ग्यासको मूल्य भारतबाट नेपाली ४१ बढेर आए पनि चाडपर्वलाई लक्षितगरी यथावत राखिएको निगमले विज्ञप्ति मार्फत जनाएको छ ।
