प्रहार समाचार । काठमाडौँ ३२ साउन २०८१ शुक्रवार । नेपाल धितोपत्र बोर्डले शेयर खरिद वा विक्रीलाई लिएर अनधिकृत सूचना र अभिव्यक्तिहरू नदिन र नदिन चेतावनी दिएको छ। यदि यस्तो सूचना बेवास्ता गरी कार्य गरिएमा कानूनी कारवाही गर्ने पनि धितोपत्र बोर्डले उल्लेख गरेको छ।
बोर्डले संचार माध्यम र सामाजिक सञ्जालहरूमा, विशेषगरी फेसबुक, युट्युब, र क्लबहाउसमा, नेप्से परिसूचक र सूचिकृत संस्थाका शेयरहरूको मूल्य बढ्ने वा घट्ने दाबी गर्दै अनधिकृत रूपमा शेयर खरिद वा विक्री गर्न प्रोत्साहित गर्ने सूचना प्राप्त भएको जनाएको छ।
धितोपत्र सम्बन्धी ऐन, २०६३ अनुसार, यस्तो कार्य बर्जित रहेको र यसलाई कानूनी अपराध मानिन्छ। बोर्डले यस्ता अनधिकृत सूचनाहरूलाई तत्काल रोक्न र यस्तो कार्य नगर्न चेतावनी दिएको छ। यदि यस्तो सूचना बेवास्ता गरी कार्य गरिएमा कानूनी कारवाही गर्ने पनि उल्लेख गरिएको छ।
बोर्डले विगतका घटनाहरूको सूक्ष्म निगरानी गर्दै, बजार प्रभावित पार्ने कार्य देखिएमा कानूनी कारवाही अघि बढाइने जनाएको छ। यसबाहेक, लगानीकर्ताहरुलाई सुझबुझपूर्ण तरिकामा लगानी गर्न अनुरोध पनि गरेको छ।
