• ध्रुव राज घिमिरे / तनहुँ, खैरेनीटार ,जेठ १६ । तनहुँको शुक्ला गण्डकी नगरपालिका – ७ काउरे शिवालय मन्दिर परिसरमा वडा स्तरिय योजना छनोट कार्यक्रम बुधबार सम्पन्न भएको छ।
कार्यक्रममा बोल्दै वडा अध्यक्ष खड्ग सिंङ थापाले वडाका भावियोजना र नगरबाट आउने बजेटको बारेमा जानाकारी गराउँदै आर्थिक वर्ष २०८०/८१ को योजनामा नगरबाट वडाकालागि ९९ लाख ५७ हजार ३३ रुपैया छुट्टयाइएको र उक्त रकम मध्ये ६४ लाख रुपैया पुर्बाधारमा खर्च गरिने र बाँकी रकम वडाका अन्य शिर्षकमा खर्च गरिने कुरा जानाकारी गराए ।
अध्यक्ष थापाले आर्थिक वर्ष २०७९/८० को बजेटमा वडाका गरिविको रेखामुनि रहेका ७० घर परिवारलाई वडाले खर्च बेहोर्नेगरि स्वास्थ्य बिमा गराएको र वडा भित्र रहेका विभिन्न प्रकारका अपाङ्गहरुलाई घर घरमा पुगेर अपाङ्ग परिचय पत्र वितरण गरिएको बताए । नगर ,प्रदेश र संघ सरकारसंग समन्वय गरेर ६ करोड रुपैयाँ बराबरको भौतिक पुर्बाधार निर्माण गरेको बताए ।
कार्यक्रममा वडा समिति सदस्यहरु शारदा ढकाल, राज बहादुर थापा, गिर बहादुर थापा, कविता बिक, काउरे टोलका अध्यक्ष खिम लाल गिरीलगायत टोल बासीहरुको उपस्थिति रहेको वडा सचीव सुस्मा गौतमले बताइन्।
