राष्ट्रिय सभा अध्यक्षको निर्वाचन ।को मिति तय भएको छ। राष्ट्रिय सभाको आजको बैठकमा उपाध्यक्ष उर्मिला अर्यालले राष्ट्रिय सभा अध्यक्ष निर्वाचनको मिति तोकिएको जानकारी गराएकी हुन् ।
जस अनुसार निर्वाचन फागुन २९ गते मंगलबार हुने भएको छ। राष्ट्रिय सभा नियमावली २०७५ को नियम ७ बमोजिम राष्ट्रिय सभा अध्यक्ष पदको निर्वाचनको मिति तोकिएको हो । उपाध्यक्ष अर्यालले अध्यक्षको निर्वाचनका लागि सूचना प्रकाशित गर्न महासचिव पदमप्रसाद पाण्डेलाई आज नै निर्देशन समेत दिइन् ।
निर्वतमान अध्यक्ष गणेशप्रसाद तिमिल्सिनाको कार्यकाल यही फागुन २० गते सकिएको थियो । त्यसको ९ दिनपछि निर्वाचन हुन लागेको हो ।वर्तमान सत्ता गठबन्धनमा राष्ट्रिय सभा अध्यक्ष नेकपा (माओवादी केन्द्र)ले पाउने गरी सहमति भएको छ ।माओवादीबाट वर्तमान उपाध्यक्ष उर्मिला अर्याल, पार्टी संसदीय दलका नेता नारायण दाहाल र नवनिर्वाचित सदस्य झक्कुप्रसाद सुवेदी अध्यक्षका लागि दाबेदार छन् । अध्यक्षको उम्मेदवार आज नै टुंगो लगाउने माओवादीको तयारी छ ।
.
