प्रहार समाचार । तनहुँ, ३१ चैत २०८१ आइतवार । तनहुँको भानु नगरपालिकाले आफ्नो नगरको गतिविधि र सुचना ‘भानु नगरपालिका बुलेटिन’ मार्फत प्रकाशनको सुरु गरेको छ।
नगरको गतिविधि, सुचना र सन्देश त्रैमासिक रुपमा आफ्नो वेवसाईट मार्फत प्रकाशन गरी आमनागरिक समक्ष पुर्याउने उदेश्यले बुलेटिन प्रकाशन गरिएको नगर प्रमुख आनन्दराज त्रिपाठीले जानकारी दिए । ‘नगरको गतिविधि आम नागरिकलाई दिनु नगरपालिकाको कर्तव्य हो, त्यसैले नगर बुलेटिन प्रकाशन गरेका हौँ ।’ – नगर प्रमुख त्रिपाठीले भने ।
आफ्नो आधिकारिक पेज मार्फत बुलेटिन प्रकाशन गर्ने तनहुँका पालिकाहरु मध्ये भानु नगरपालिका पहिलो बनेको छ।
