प्रहार समाचार । तनहुँ, १२ चैत २०८१ मङ्गलवार । तनहुँको व्यास नगरपालिका वडा नं १२ लामीडाँडा निवासी ४४ बर्षीय प्रेममाया भुजेलको उपचारका लागि प्राप्त सहयोग हस्तान्तरण गरिएको छ।
व्यास नगरपालिका वडा नं १ मोहोरियाटार निवासी गोपाल रम्तेललेबाट प्राप्त १० हजार नगद सहयोग हिंजो दमौलीमा हस्तान्तरण गरिएको हो ।
सामाजिक अभियान्ता अविनाश पन्थ मार्फत प्राप्त भएको उक्त रकम हिंजो प्रहार अनलाईन मिडियाका सम्पादक शंकरराज नहर्की र जनचाहना डट कमका सम्पादक एस.बि.नेपाली, र अभियान्ता अविनाश पन्थले संयुक्त रुपमा हस्तान्तरण गरेका हुन् ।
एक लाख रुपैया धरौटी राख्न नसक्दा फियोमा पानी जमेर उपचार हुनबाट बञ्चित भुजेललाई आफ्नो तर्फबाट सानो सहयोग गर्ने पाएकोमा रम्तेलले खुशी प्रकट गर्दै सिघ्र स्वास्थ्य लाभको कामना गरेका छन् । भुजेलको उपचारको क्रममा आफ्नो भएको दुई रोपनी पाखो बारी पनि बेचेर सिद्धिएको छ । अहिले सुकुम्बासीमा परिणत हुनुपरेको पीडा भुजेलले सुनाइन् ।
काठमाडौंको टिचिङ अस्पतालमा उपचराका लागि पटक पटक धाएकी भुजेलले अस्पतालले थप उपचारका लागि १ लाख धरौटी मागेपछि पैसा नभएर घर फर्केकी थिइन्।
२ छोरी र ३ छोराकी आमा भुजेल भन्छिन् – ‘छोराछोरी लाखा पाखा लागि सके । आफू बिरामी परिहाले श्रीमानले दैनिक ज्यालादारीबाट कमाएको रकमले खाने की उपचार गर्ने ?’ । औषधी उपचार गर्दा अहिले सुकुम्बासी भएकी भुजेल रोग मात्रै निको भए मजदुरी गरेर भएपनि छोराछोरी पाल्ने इच्छ राखेकी छन्। ‘मर्ने कस्लाई रहर हुन्छ र ? सबैले थोरै थोरै सहयोग गरिदिए म बाँचे थिए ।’ उनले आशु झार्दै भनिन्। काखमा रहेका ६ बर्षीय छोराको लागि बाँच्न चाहान्छु,अरु त हुर्किएर पालिन सक्ने भएका छन् ।
यसै बिच भुजेललाई व्यास–३ स्थित श्रीकृष्ण नर्सरीका संचालक गम्भीरदास नेपालले ५ सय सहयोग गरेका छन्। यस अभियानमा हजुर पनि जोडिनु सक्नु हुन्छ । जस्का लागि प्रेममायाँ भुजेलको मोवाइल नम्बर ९८०६५००३७८ मा सिधै सम्पर्क गर्न अथवा प्रहार अनलाई मिडियाको ९८४६०६७०२७ मा सम्पर्क गरेर सहयोग गर्न सकिने छ। हामी यहाँहरुको सहयोगको उच्च मूल्याङ्कन गर्ने छौं।
