• विजय अधिकारी (संवाददाता ) प्रहार समाचार । लमजुङ, १५ फागुन २०८१ विहीवार । प्रथम लमजुङ खेलकुद तथा सास्कृतिक महोत्सवमा आयोजित आमा समूहको सामुहिक नृत्य प्रतियोगितामा बेसीशहर नगरपालिका वडा नम्बर-७ स्थित शान्ति टोल तमू समाज प्रथम भएको छ ।
त्यस्तै प्रतियोगितामा सुन्दरबजार नगरपालिका वडा नम्बर-७ को दिदीवहिनी कृषक समूह द्धितिय र दोर्दी गाउँपालिका वडा नम्बर-८ को दोर्दी आमा समूह तृतीय भएका छन्।
त्यसैगरी बेसीशहर नगरपालिका वडा नम्बर-७ को मनाङ्गे चौतारा तमू समाज र दोर्दी गाउँ पालिका वडा नम्बर-८ को बुद्धमिलन आमा समूह सान्त्वना भएका छन् ।
प्रतियोगितामा प्रथम हुने समुहलाई ३० हजार नगद,द्धितिय र तृतीय हुने समुहलाई क्रमशः १०/१० हजार नगद र सान्त्वना हुने दुई टिमलाई ५/५ हजार नगद सहित प्रमाणपत्र प्रदान गरिने महोत्सव आयोजक समितिले जनाएको छ । प्रतियोगितामा ११ टीमको सहभागिता रहेको थियो ।
महोत्सवमा जिल्ला खेलकुद तर्फ जिल्ला स्तरिय महिला र पुरुष भलिबल प्रतियोगिता, विद्यालय स्तरीय कराँते प्रतियोगिता, स्नुकर र छेलो प्रतियोगिता सम्पन्न भएको छ ।
सहजी खेलमैदानको लागि जग्गा खरीद गर्न आर्थिक सकंलन गर्ने उदेश्यले यहि फागुन ६ गते देखी १८ गतेसम्म खेलकुद तथा सास्कृतिक महोत्सव आयोजना गरिएको छ ।
