प्रहार समाचार । काठमाडौं,२४ पुस २०८१ बुधवार । अहिले नेपालमा पश्चिमी वायुको सामान्य प्रभाव रहेको
कारण आज बिहान देशका पहाडी भू-भागमा आंशिक बदली रही बाँकी भू-भागमा मौसम मूख्यतया सफा रहेको छ। तराईका धेरै स्थानहरूमा हुस्सु/कुहिरो लागेको जल तथा मौसम विज्ञान विभाग मौसम पूर्वानुमान महाशाखाले जनाएको छ।
आज दिउँसो कोशी प्रदेशका हिमाली र पहाडी क्षेत्रमा आंशिक बदली रहने र बाँकी भूभागमा मौसम सफा रहने महाशाखाको पूर्वानुमान छ। आज राति कोशी प्रदेशका हिमाली र पहाडी भूभामा आंशिक बदली रहने र बाँकी भूभागमा मौसम सफा रहने महाशाखाले जनाएको छ।
बिहानको समयमा तराई तथा उपत्यका केही स्थानहरूमा बाक्लो हुस्सु/कुहिरो लागेर चिसो बढ्ने भएकाले दैनिक जनजीवन,स्वास्थ्य,यातायात तथा हवाई उड्डयनमा क्षणिक/आंशिक असर पर्न सक्ने हुनाले आवश्यक सतर्कता अपनाउनु हुन समेत जल तथा मौसम विज्ञान विभाग मौसम पूर्वानुमान महाशाखाले अनुरोध गरेकाे छ ।
