प्रहार समाचार । तनहुँ २६ भदौ २०८१ बुधवार । तनहुँको सदरमुकाम दमौली नजिकै रहेको मादी नदीमा नुहाउन भनि गएका व्यास ३ देउराली नगरका एक बालक दुई दिन देखि बेपत्ता भएका छन्। तस्विर : फाइल फोटो
बेपत्ता हुनेमा व्यास नगरपालिका वडा नं – ३ देउराली नगर निवासी १५ बर्षीय रोनाल्ड थापा रहेका छन् । साथी संङ्ग नुहाउन भनि अस्ति सोमवार नदीमा गएको र नुहाउने क्रममा नदीले बगाएर बेपत्ता भएको प्रहरीले जनाएको छ।
थापा व्यास नगरपालिका–४ मा रहेको कन्काई बोडिङ स्कूलमा कक्षा १० मा अध्यायन गर्ने विद्यार्थी थिए । घरबाट विद्यालय जान्छु भनि निस्कि पनि विद्यालय नगई साथीभाईहरुको लहलहैमा लागेर नदीमा नुहाउन गएको खुल्न आएको छ । साँझ अबेरसम् पनि घर नफर्किएपछि मात्रै परिवारले छोरा हराएको जानकारी पाएका थिए ।
प्रहरीमा जानकारी पाएलगत्तै खोजतलासका लागि घट्नास्थलमा प्रहरी परिचालन गरिएको थियो । हिंजो पनि खोजी कार्यलाई निरन्तरता दिएपनि फेला पार्न नसकिएको प्रहरीले जनाएको छ । प्रहरीले घटनाको बारेमा थप अनुसन्धान गर्न ती बालकसंगै नदीमा नुहाउन गएका अन्य दुई बालकलाई प्रहरीले नियन्त्रणमा लिएको जनाएको छ ।
