प्रहार समाचार । काठमाडौँ २१ भदौ २०८१ शुक्रवार हाल देशभर मनसुनी वायुको प्रभाव कायमै रहेको छ । अहिले देशका धेरै ठाउँमा भदौरे झरी परिरहेका छ। गएराति , कपिलवस्तु, रुपन्देही, प्युठानमा भारी वर्षा मापन भएको महाशाखाले जनाएको छ ।
यसैगरी , बागलुङ र सिन्धुपाल्चोकमा भारी वर्षा भएको महाशाखाले जनाएको छ । यी क्षेत्र भई बहने नदी तथा खोलामा बाढी र होचा भेगमा डुबानको जोखिम भएकोले आवश्यक सतर्कता अपनाउन जल तथा मौसम पूर्वानुमान महाशाखाले अनुरोध गरेको छ ।
आज दिउँसो देशका पहाडी भू-भागका केही स्थानमा मेघ गर्जन/चट्याङ्गसहित हल्कादेखि मध्यम वर्षाको सम्भावना छ । कोशी, बागमती, गण्डकी र कर्णाली प्रदेशका एक-दुई स्थानमा भारी वर्षाको सम्भावना रहेको महाशाखाले जनाएको छ ।
राति पनि देशका पहाडी भू-भागका केही स्थानमा हल्कादेखि मध्यम वर्षाको सम्भावना छ । राति बागमती र गण्डकी प्रदेशको एक-दुई स्थानमा भारी वर्षाको पनि सम्भावना रहेको जल तथा मौसम पूर्वानुमान महाशाखाको बुलेटिनमा उल्लेख छ।
