प्रहार समाचार । काठमाडौँ, जेठ १५ । कान्तिपुर मिडिया ग्रुपका अध्यक्ष कैलाश सिरोहियाको स्वास्थ्यमा थप समस्या आएपछिलाई हेलिकोप्टरबाट काठमाडौँ ल्याइएको छ । उनलाई काठमाडौँ लैजान चिकित्सकले सुझाव दिए अनुरूप मंगलबार काठमाडौँ ल्याइएको हो ।
उनलाई उपचारका लागि मेडिसिटी अस्पताल भर्ना गरिएको छ ।
कान्तिपुर मिडियाका कानुनी सल्लाहकार किशोर पौडेलका अनुसार सिरोहियाको छातीमा अत्यधिक दुखाइपछि जनकपुरमा उपचार सम्भव नभएपछि काठमाडौँ लैजान चिकित्सकले सिफारिस गरेका थिए ।
नागरिकता प्रकरणमा कान्तिपुर मिडियाको कार्यकक्षबाटै सिरोहियालाई मंगलबार प्रहरीले नियन्त्रणमा लिएको थियो । त्यसपछि उनलाई जनकपुर लगिएको थियो । जिल्ला अदालत धनुषाले तीन पटक तीन तीन दिन म्याद थप गरेको थियो ।
