प्रहार समाचार | काठमाडौँ, मंसिर १६ शनिबार ।
काठमाडौँ महानगरपालिकाले ठूलो सङ्ख्यामा कर्मचारी माग गरेको छ। महानगरभित्रका गरिब घरपरिवार पहिचानका लागि तथ्यांक संकलनका गर्न २१ सुपरीवेक्षक सहित २०९ गणकको माग गरेको हो।
उक्त पदका लागि पुस ६ गतेसम्म दरखास्त दिइसक्ने र दरखास्त महानगरको वेभ साइटबाट दिन सकिने र कुनै पनि शुल्क नलाग्ने शनिबार प्रकाशित महानगरको सूचनामा उल्लेख छ ।सुपरिवेक्षक र गणकको पारमिमिक पनि महानगरले तोकिदिएको छ। जस अनुसार सुपरीवेक्षकको मासिक पारिश्रमिक ३४ हजार ७३० रूपैयाँ र इन्टरनेट खर्च २ हजार तोकिएको छ भने गणक को मासिक ३२ हजार ९०२ रूपैयाँ पारिश्रमिक र २ हजार रूपैयाँ इन्टरनेट खर्च रहेको छ।( महानगरको सूचनाको पत्र)
काठमाडौं महानगरपालिकाका बासिन्दा, यसअघि जनगणना वा सर्वेक्षणमा काम गरेको र महानगरपलिकाबाट विगतमा पनि सोही कार्यक्रममा छनोट भएकाहरूलाई प्राथमिकता दिइने सूचनामा उल्लेख छ। दरखास्त खुले संगै करारमा भएपनि ठूलो संख्यामा रहेका बेरोजगारहरुलाई सानो भएपनि राहत मिल्ने देखिन्छ।
