प्रहार समाचार । तनहुँ, १६ मंसिर २०८१ आइतवार । स्थानीय तहमा रिक्त विभिन्न ४१ पदका लागि अहिले बिहान ७ बजेबाट मतदान सुरु भइरहेको छ।
१ नगर प्रमुख, १ उपप्रमुख, नगरपालिका २ गाउँपालिका अध्यक्ष ,४ उपाध्यक्ष र ३३ वडाध्यक्ष सहित कुल ४१ पदका लागि मतदान जारी रहेको निर्वाचन आयोगले जनाएको छ।
मतदान साँझ ५ बजेसम्म जारी रहने यो उपनिर्वाचनमा विभिन्न २० राजनीतिक दल र स्वतन्त्र गरी तीन सय ७६ उम्मेदवार प्रतिस्पर्धामा छन् ।
मतदान गर्न सक्कल मतदाता परिचयपत्र, नागरिकता प्रमाणपत्र, राष्ट्रिय परिचयपत्र, राहदानी, स्थायी लेखा नम्बर परिचयपत्र र वा सवारी चालक अनुमतिपत्रका आधारमा मतदान गर्न पाउने व्यवस्था गरेको निर्वाचन आयोगले जनाएको छ ।
