प्रहार समाचार । तनहुँ , १५ मंसिर २०८१ शनिवार । राष्ट्रिय स्वतन्त्र पार्टी ( रास्वपा ) तनहुँको सभापतिमा विश्व बास्तोला चयन भएका छन्।
आज दमौलीमा पार्टीको जिल्ला भेलाले बास्तोलालाई अध्यक्ष पदमा सर्वसम्बत चयन गरेको हो । उनि यस अघि पार्टीको जिल्ला संयोजक थिए ।
भेलाले पार्टीको उपसभापतिमा विजयराज जोशी, सचिवमा पदमराज न्यौपाने, सहसचिवमा अनिल श्रेष्ठ र कोषाध्यक्षमा पवित्रा पोखरेल चयन भएका छन् । यस्तै सदस्यहरूमा बासु कडारिया र मुक्तिनाथ पण्डित चयन भएका छन् ।
त्यस्तै पदेन सदस्यहरूमा क्षेत्र नम्बर २ का सभापति डा. शेष रमण न्यौपाने र क्षेत्र नम्बर १ का सभापति विष्णु पन्त चयन भएका छन् । यसअघिका क्षेत्रीय सभापति पदमराज न्यौपाने सचिव भएपछि रिक्त पदमा विष्णु पन्त तथा पार्टीका जिल्ला सहसंयोजक सूर्यमणि पौडेल गण्डकी प्रदेश समितिको सदस्य पदमा चयन भएका पार्टीले जनाएको छ।
