प्रहार समाचार । काठमाडौँ, मंसिर १२ मंगलबार ।
नेपाली बजारमा सुनको भाउले नयाँ रेकर्ड कायम गरेको छ । सोमबार पाँच सय रुपैयाँले नयाँ रेकर्ड राखेको सुनको मूल्यले मंगलबार पनि तीन सय रुपैयाँ बढेर हालसम्मकै उच्च मूल्य कायम गरेको छ ।
नेपाल सुनचाँदी व्यवसायी महासंघका अनुसार मंगलबार छापावाला सुन प्रतितोला १ लाख १७ हजार ७ सय रुपैयाँमा कारोबार भइरहेको छ । यो हालसम्मकै उच्च मूल्य हो। मंगलबार तेजावी सुन प्रतितोला १ लाख १७ हजार एक सय ५० रुपैयाँमा किनबेच भइरहेको महासंघले जनाएको छ । यसअघि सोमबार पाँच रुपैयाँले बढेर छापावाला सुन प्रतितोला १ लाख १७ हजार चार सय रुपैयाँमा कारोबार भएको थियो ।
गत आइतबार छापावाला सुन १ लाख १६ हजार नौ सय रुपैयाँ र तेजावी सुन एक लाख १६ हजार तीन सय ५० रुपैयाँमा कारोबार भएको थियो।
