प्रहार समाचार । काठमाडौं, २९ बैशाख २०८३ मङ्गलबार। अन्तर्राष्ट्रिय बजारको प्रभावसँगै नेपाली बजारमा सुन–चाँदीको मूल्यमा पुनः उछाल देखिएको छ । पछिल्ला दिनहरूमा निरन्तर उतारचढावबीच सुनको भाउ प्रतितोला ३ लाख २ हजार ९ सय रुपैयाँ पुगेको छ । १४ दिनको बजार प्रवृत्तिअनुसार सुनको मूल्यमा ०.८ प्रतिशत वृद्धि भएको देखिएको छ ।
केही दिनअघि घट्दो क्रममा रहेको सुनको भाउ पुनः उकालो लाग्दै नयाँ उच्च बिन्दुनजिक पुगेको हो । त्यसैगरी, चाँदीको मूल्यमा अझ बढी वृद्धि देखिएको छ । प्रतितोला चाँदी १२.९ प्रतिशतले बढेर ५ हजार ६ सय ९५ रुपैयाँ पुगेको छ ।विशेषज्ञहरूका अनुसार अन्तर्राष्ट्रिय आर्थिक अनिश्चितता, लगानीकर्ताको सुरक्षित लगानीतर्फको आकर्षण तथा बजारमा बढ्दो मागका कारण बहुमूल्य धातुको मूल्यमा चाप परेको हो । सुनचाँदी व्यवसायीहरूका अनुसार आगामी दिनमा अन्तर्राष्ट्रिय बजारको अवस्थाअनुसार मूल्यमा थप उतारचढाव आउन सक्ने अनुमान गरिएको छ ।
