प्रहार समाचार । भारत , २२ बैशाख २०८३ मंगलबार । दक्षिण भारतीय राजनीतिमा यसपटकको निर्वाचनले अप्रत्याशित मोड ल्याएको छ, जहाँ स्थापित दलहरूको पकड कमजोर बन्दै जाँदा नयाँ शक्तिहरूले आक्रामक रूपमा ठाउँ बनाएका छन्। तमिलनाडुमा विजय थलापतिको नेतृत्वमा उभिएको तमिलनाडु भेट्टी कझगम (टीभिके) १०७ सिट जित्दै सबैभन्दा ठूलो शक्तिका रूपमा उदाएको छ। बहुमतभन्दा केही सिटले पछाडि परे पनि सत्ता समीकरण अब टीभिकेकै वरिपरि घुम्ने देखिन्छ।
यो परिणामले लामो समयदेखि प्रभुत्व जमाउँदै आएको डीएमकेमाथि गम्भीर धक्का दिएको छ।विशेषगरी, डीएमके अध्यक्ष तथा मुख्यमन्त्री एम.के. स्टालिन आफ्नै निर्वाचन क्षेत्र कोलाथुरमा पराजित हुनु यसपटकको सबैभन्दा ठूलो राजनीतिक घटनाका रूपमा उभिएको छ। अझ रोचक कुरा, उनलाई हराउने उम्मेदवार उनकै पार्टी छाडेर टीभिकेमा प्रवेश गरेका विद्रोही नेता हुन्। यसले पार्टीभित्रको असन्तुष्टि र आन्तरिक विभाजन सतहमा आएको संकेत गर्छ, जसले डीएमकेको भविष्य नै चुनौतीपूर्ण बन्ने देखिएको छ।उता असममा भने परिदृश्य फरक देखिएको छ। हिमन्त विश्व शर्मा नेतृत्वको भारतीय जनता पार्टी (भाजपा) ले ८२ सिट जित्दै लगातार तेस्रो कार्यकाल सुनिश्चित गरेको छ।
यसले उत्तरपूर्वमा भाजपाको संगठनात्मक मजबुती अझै कायम रहेको स्पष्ट देखाएको छ।केरला राज्यमा भने दशक लामो वामपन्थी शासनको अन्त्य भएको छ। कांग्रेसको नेतृत्वमा रहेको गठबन्धनले बहुमत नजिकको सफलता हासिल गरेपछि मुख्यमन्त्री पिनारायी विजयनले पदबाट राजीनामा दिनुपरेको छ। यसले केरला राजनीतिमा नयाँ शक्ति सन्तुलनको सुरुआत भएको संकेत दिएको छ।यस्तै, केन्द्रशासित प्रदेश पुडुचेरीमा एनडीए गठबन्धन पुनः सत्तामा फर्किएको छ, जसले दक्षिण क्षेत्रमा आफ्नो उपस्थिति कायमै राखेको देखाएको छ। समग्रमा हेर्दा, विभिन्न राज्यमा आएको फरक–फरक जनादेशले भारतीय राजनीतिमा नयाँ गठबन्धन, नयाँ अनुहार र नयाँ समीकरणको युग सुरु भएको प्रस्ट संकेत दिएको
