प्रहार समाचार । पोखरा, कार्तिक १३ सोमबार । नेपाल भ्रमणमा रहेका संयुक्त राष्ट्रसंघका महासचिव एन्टोनियो गुटेरेस आज पोखरा आइपुगेका छन् ।
उनलाई गण्डकी प्रदेशका मुख्यमन्त्री सुरेन्द्रराज पाण्डे, पोखरा महानगरपालिका प्रमुख धनराज आचार्य लगायतले स्वागत गरे । उनी विमानस्थलबाट लेकसाइडको फिस्टेल रिसोर्टमा बास बस्न पुगेका छन् ।
मंगलबार बिहान ६:३० बजे उनी सेनाकै हेलिकप्टरमा अन्नपूर्ण आधार शिविर जाने कार्यतालिका रहेको छ। आधार शिविरमा उनले जलवायु परिवर्तनले स्थानीयको दैनिक जीविकोपार्जनमा पारेको असरबारे स्थानीयको समस्या सुन्ने छन् ।
उनलाई कास्कीको अन्नपूर्ण गाउँपालिका, अन्नपूर्ण संरक्षण क्षेत्र आयोजना (एक्याप) र स्थानीयले स्वागत गर्नेछन् । गोटरेसलाई स्वागत गर्न आधार शिविरमा छुट्टै हेलिप्याड बनाइएको छ । पोखराबाट हेलिकप्टरमा कार्पेट पुर्याइएको छ । मंगलबार उनी आधारशिविरबाट फर्किएर पत्रकार भेटघाटमा सरिकभई मंगलबार नै लुम्बिनी जाने तालिका रहेको छ।
