प्रहार समाचार । स्याङजा , ६ बैशाख २०७३ आइतबार । स्याङ्जाको पुतलीबजार–४ मा आज बिहान यात्रुवाहक बस दुर्घटनामा पर्दा केही यात्रु घाइते भएका छन्। पोखराबाट बुटवलतर्फ जाँदै गरेको ग १ ख ९५६३ नम्बरको बस सडक छेउमा पल्टिँदा यात्रुहरूमा त्रास फैलिएको थियो।
दुर्घटनामा परेका यात्रुहरू सामान्य घाइते भएको प्रहरीले जनाएको छ। घाइतेहरूको स्थानीय स्वास्थ्य संस्थामा उपचार भइरहेको छ भने उनीहरूको अवस्था खतरामुक्त रहेको बताइएको छ।
बस कसरी दुर्घटनामा पर्यो भन्नेबारे अनुसन्धान भइरहेको प्रहरीले जानकारी दिएको छ। प्रारम्भिक अनुमान अनुसार सडक अवस्था वा चालकको लापरबाही कारण हुन सक्ने आशंका गरिएको छ।
