• सुशिल बि क ( प्रशिक्षार्थी पत्रकार ) प्रहार समाचार । तनहुँ, ७ मंसिर २०८१ शुक्रवार । देउसी भैलो खेलेको रकम अनावश्यक खर्च नगरि दमौलीका केहि युवाहरुले गरिव तथा विपन्न विद्यार्थीहरुलाई जाडोमा लगाउने न्यानो स्विटर र मोजा बितरण गरेर उदाहाणीय कार्य गरेका छन् ।
तनहुँ दमौलीका सामाजिक अभियन्ता सुदिप गफ्फार नेतत्वको युवाहरुको टोलिले व्यास ११ स मूलपानीमा रहेको चण्डिका आधारभूत विद्यालयमा अध्ययनरत २४ जना विपन्न विद्यार्थीहरूलाई स्वीटर र मोजाहरु वितरण गरेकाे विद्यालयका प्रधानाध्यापक सुरेन्द्र बहादुर अधिकारीले बताए ।
गफ्फार सहित उनका साथीहरू सुन्दर प्रजापती , सुशील वि.क.,चाङ्ग शाह ,सुनिल क्षेत्री ‘लाउरे’ मिलेर उक्त सहयोग गरेको बताइएको छ।
