प्रहार समाचार । काठमाडौँ ३१ असार २०५८१ सोमबार । राजनीतिक स्थायित्व , अर्थतन्त्रमा सुधार , संविधानका कमजोरी सुधार र, नागरिकलाई छिटो छरितो डेलिभरी दिनेलगायत प्रतिबद्धता जनाउँदै प्रधानमन्त्री केपी शर्मा ओलीले पदभार ग्रहण गरेका छन् ।
सोमबार दिउँसो प्रधानमन्त्री तथा मन्त्रिपरिषद्को कार्यालय पुगेर उनले पदभार सम्हालेका हुन् ।यसअघि उनी शपथपछि लैनचौरको शहीद स्मारक र नेकपा एमालेको केन्द्रीय कार्यालय च्यासल पुगेर शहीद र पार्टीका संस्थापक नेताहरूको फोटोमा माल्यार्पण गरेका थिए ।
प्रधानमन्त्री कार्यालयमा सचिवसहितका कर्मचारीले ओलीलाई स्वागत गरेका छन् । ओलीको स्वागतमा ब्राम्हणहरू स्वस्ति वाचन मन्त्रोच्चारण गरेका थिए ।
ओलीलाई प्रधानमन्त्रीको कार्यालयमा निमित्त मुख्य सचिव लीलादेवी गड्तौलाले टीका मालासहित स्वागत गरेकी थिइन् ।ओली यसअघि २०७२, २०७४ र २०७८ मा गरी तीनपटक प्रधानमन्त्री भएका थिए ।
ओलीले दोस्रोपटक नेकपाकालीन समयमा झण्डै दुई–तिहाई बहुमतको हाराहारीको सरकारको नेतृत्व गरेका थिए ।यसपटक पहिलो ठूलो दल नेपाली कांग्रेसको समर्थन र सहभागितापछि नेकपा (एमाले)का अध्यक्ष ओली दुई–तिहाई मतसहितको प्रधानमन्त्री बनेका छन् । प्रधानमन्त्री भन्न जति सहजता भएतापनि देशको बिग्रेको अर्थतन्त्र, नागीकमा उब्जिएको नैराश्यता तथा बन्द उद्योगधन्दा कारखाना कथा संस्थागत भ्रष्टाचारको अन्त्य गर्नु ओलीलाई फलामको च्यूरा चपाउनु सरह हुने विश्लेशकको भनाई छ।
