प्रदार समाचार । काठमाडौँ,१२ कात्तिक २०८१ सोमबार । अहिले नेपालभर पश्चिमी वायुको साथै पहाडी भू-भागमा स्थानीय वायुको समेत आंशिक प्रभाव रहेको छ। यसैका कारण आज देशका पहाडी भू-भागमा आंशिक बदली रही बाँकी भागमा मौसम आंशिक रुपमा सफा रहेको छ ।
आज दिउँसो देशका पहाडी भू-भागका एक-दुई स्थानमा मेघ गर्जन/चट्याङ्गसहित हल्का वर्षाको सम्भावना रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ ।
राति कोशी र गण्डकी प्रदेशका पहाडी भू-भागका एक-दुई स्थानमा मेघ गर्जन/चट्याङ्गसहित हल्का वर्षाको सम्भावना जल तथा मौसम विज्ञान विभाग मौसम पूर्वानुमान रहेको महाशाखाद्वारा निकालिएको बुलेटिनमा उल्लेख छ।
