प्रहार समाचार ।,तनहुँ , १७ असोज २०८१ बिहिबार । तनहुँको व्यास नगरपालिका–१२ कमल बारी भन्दा थोरै तल जलबबिरेमा भेटिएको अजिङगरको आज उद्धार गरिएको छ ।
बिस्तारको क्रममा रहेको पृथ्वीराजमार्गको मुग्लिन– पोखरा खण्ड अन्तर्गत सडकको नालीमा फेला परेको स्थानीयले जानकारी दिएपछि र डिभिजन वन कार्यालय तनहुँले अजिङ्गरको उद्धार गरेको डिभिजन वन कार्यालयका अर्जुन कुमार श्रेष्ठले बताए ।
उक्त अजिङ्गरको श्रेष्ठ सहित शसस्त्र वन रक्षक जमदार सूर्य सुवेदी, शसस्त्र वन रक्षकहरु कृष्ण कैनी, रामकाजी अधिकारी, गुननारायण श्रेष्ठ, र चौकीद्धार उत्तम मल्लको टोलीले अजिङगरको उद्धार गरेको डिभिजन वन कार्यालयले जनाएको छ ।
उद्धार गरिएको अजिङ्गर दश फिट लामो र १५ किलो दुई सय ग्रामको तौल भएको उद्धारकर्ता अर्जुन श्रेष्ठले जानकारी दिए । राष्टिय निकुञ्ज तथा वन्यजन्तु संरक्षण ऐन अनुसार अजिङ्गरलाई संरक्षित सरिसृपको रुपमा लिइन्छ । ‘अजिङ्गर हत्तपत्त भेटिने जीव पनि होइन यसको उद्धार भइसक्यो, उपयुक्त वासस्थानमा लगेर छाड्छौं ।’ उद्दार कर्ता श्रेष्ठले भने ।
