प्रहार समाचार । बैतडी, मंसिर १४ बिहिबार ।प्रमुख प्रतिपक्षी नेकपा (एमाले)को महाकाली–मेची अभियान बिहीबारदेखि शुरू भएको छ ।
‘झुलाघाट–चिवाभञ्ज्याङ समृद्धिका लागि संकल्प यात्रा’ नाम दिइएको उक्त अभियानको एमालेका अध्यक्ष तथा पूर्वप्रधानमन्त्री केपी शर्मा ओलीले शुभारम्भ गरे । अध्यक्ष ओलीले बैतडीको झुलाघाटमा आज नेपाली झण्डा झण्डोत्तोलन गरेर सङ्कल्प यात्रा शुभारम्भ गरेका हुन् ।
सो अवसरमा अध्यक्ष ओलीले ‘समृद्ध नेपाल, सुखी नेपाली’को परिकल्पना पूरा गर्न अभियान थालिएको बताए । राजनीतिक अस्थिरता अन्त्य गर्न र सकारात्मक परिवर्तनका लागि अभियान फलदायी हुने उनको भनाइ थियो ।
संकल्प यात्रा शुभारम्भपछि बिहीवार नै बैतडी सदरमुकाम गोठलापानीमा आयोजना गर्न लागेको आमसभालाई अध्यक्ष सम्बोधन गर्ने कार्यक्रम रहेको एमाले बैतडीले जनाएको छ । साँझ बैतडीको खोडपेमा बझाङका नेता कार्यकर्तासँग अध्यक्ष ओलीको भेटघाटको कार्यक्रम रहेको सो पार्टीले जनाएको छ । ओलीलेयात्रा सुदूरपूर्वको पहाडी जिल्ला पाँचथरको चियाभञ्ज्याङमा गएर टुंगिने छ ।
स
