प्रहार समाचार । तनहुँ, जेठ ४ । तनहुँको व्यास नगरपालिका वडा नम्बर ४ निवासी समाजसेवी भाग्यशाली ढुङ्गानाले आफ्नो जन्मदिनको अवसरमा फलफूल तथा कापीकलम बितरण गरेका छन्।
जेष्ठ नागरिक मिलन केन्द्र, व्यास- ५ ,पराशर क्षेत्रमा रहेका जेष्ठ नागरिक तथा महिष संस्कृत गुरुकुल विद्यालय पराशर क्षेत्रका विद्यार्थी बटुकहरु लाई ढुङ्गानाले शुक्रवार उक्त सामाग्री वितरण गरेका हुन् ।
पूर्विय सनातन धर्म, संस्कार, संस्कृतिको रक्षा गर्न आफूले जन्मदिनमा दियो बाली, शङ्ख घण्टा बजाई स्वस्तिक वाचन गरि वृद्ध आमा बुबा तथा विद्यार्थीहरुलाई सानो सहयोग गरेको ढुङ्गानाले बताए ।
‘जन्म दिनमा केक काट्ने, बत्ति निभाउने र अनावश्यक फजुल खर्च गर्ने पश्चिमा संस्कृतिको अन्त्यका लागि पनि मैले यस्तो गरेको हुँ ढुङ्गानाले भने’ ।
